වෙඩි තැබීමේ සිද්ධියක ප්රධාන සැකකරුවෙකු පොලිසිය සමඟ අද (16) අලුයම සිදු වූ වෙඩි හුවමාරුවක දී මියගොස් තිබෙනවා.
මෙලෙස මියගොස් ඇත්තේ කඳාන, පොල්පිතිමූකලාන, ජය මාවත ප්රදේශයේ මාළු ව්යාපාරිකයෙකුගේ නිවසට වෙඩි තැබීමේ සිද්ද්ධියේ ප්රධාන සැකකරු බවයි පොලිසිය පවසන්නේ.
යතුරුපැදියකින් පැමිණි දෙදෙනෙක් පසුගිය 05 වනදා අදාළ මාළු ව්යාපාරිකයාගේ නිවසට මෙම වෙඩි තැබීම සිදුකර තිබුණා.
සපුගස්කන්න්ද ප්රදේශයේ වැටලීමකට ගිය අවස්ථාවේ දී සැකකරු සහ පොලිසිය සමඟ මෙම වෙඩි හුවමාරුව සිදුව ඇති බවයි වාර්තා වන්නේ.
මෙලෙස මියගොස් ඇත්තේ ‘ජෙයරාජ්’ නැමැති අන්වර්ථ නාමයෙන් හඳුන්වන 49 හැවිරිදි අංගොඩ ප්රදේශයේ පදිංචි පුද්ගලයෙක් බවයි පොලිසිය පැවසුවේ.
ඔහුගේ මෘත ශරීරය මේ වනවිට කිරිබත්ගොඩ රෝහලේ තැන්පත්කර ඇති බවයි පොලිසිය වැඩිදුරටත් සඳහන් කළේ.
