පෙන්සිල්වේනියාවේ මැතිවරණ රැළියක් අතර තුර ඇමරිකානු හිටපු ජනධිපති ඩොනල්ඩ් ට්‍රම්ප් ඊයේ වෙඩි ප්‍රහාරයකට ලක් වුණා.
මෙම වෙඩි ප්‍රහාරයෙන් ඔහුගේ දකුණු කන තුවාල වූ අතර, දෙස් විදෙස් මාධ්‍යවල මෙම සිදුවීම පිළිබඳව තවමත් ඇත්තේ වැඩි අවදානයක්.
වෙඩි ප්‍රහාරයෙන් කන තුවාල ලැබූ ට්‍රම්ප්ව ආරක්ෂක නිලධාරීන් විසින් විසින් වටකර ගත් අතර, එහිදී ඔහු එක් අතක් ඔසවා ජයග්‍රාහී ලීලාවෙන් සිටන ඡායාරූපය එක රැයින් ලොව පුරා ජනප්‍රිය වුණා.
එලෙස ජනප්‍රිය වූ ඡායාරූපය යොදා මුද්‍රණය කළ ටී ෂර්ට් මේ වනවිට විදේශීය වෙළඳපොළට නිකුත්කර තිබෙනවා.
ඔන්ලයින් ඇණවුම් ඔස්සේ ද මෙම ටී ෂර්ට් මිල දී ගැනීමට හැකියාව ඇති අතර, මේ වනවිටත් ඒ සඳහා දැඩි ඉල්ලුමක් පවතින බවයි විදෙස් මාධ්‍ය වාර්තා කළේ.
“මම දැන් ශක්තිමත්”, “වෙඩි උණ්ඩයට මම බය නැහැ” යනාදී ඩොනල්ඩ් ට්‍රම්ප්ගේ ප්‍රකාශ කීපයක් එම ටී ෂර්ට්වල සඳහන් කර තිබෙනවා.
