වී මිලදී ගැනීමේ ක්රියාවලිය යටතේ මේ දක්වා වී මෙට්රික් ටොන් 33,666ක් වී අලෙවි මණ්ඩලය මඟින් මිලදී ගෙන ඇති බව
එම මණ්ඩලයේ සභාපති මංජුල පින්නලන්ද පවසනවා.
මින් වැඩිම වී අස්වනු තොගයක් අම්පාර සහ මඩකලපුව දිස්ත්රික්කයෙන් මිලදී ගෙන ඇති බවයි සභාපතිවරයා පැවසුවේ.
බොහෝ ප්රදේශවල වී අස්වනු නෙලීම අවසන් කර ඇති නමුත් පොළොන්නරුව, අනුරාධපුරය, කුරුණෑගල සහ පුත්තලම යන ප්රදේශවල මේ වනවිට වී අස්වනු නෙලීම ආරම්භ කර ඇති බවයි ඔහු වැඩිදුරටත් සඳහන් කළේ.
ඒ අනුව එම ප්රදේශවල වී ගබඩා විවෘත කිරීමට කටයුතු කර ඇති බවත් සභාපතිවරයා සඳහන් කර සිටියා.
පසුගිය ජුනි 13 වනදා සිට වී මිලදී ගැනීමේ ක්රියාවලිය වී අලෙවි මණ්ඩලය ආරම්භ කළ අතර, ඒ වෙනුවෙන් ගබඩා 120කට ආසන්න ප්රමාණයක් ක්රියාකාරීව පවත්වාගෙන යන බව ඖ මාධ්ය වෙත අදහස් දක්වමින් පැවසුවා.
