වීසා නොමැතිව මෙරට රැඳී සිටි ඉතාලි ජාතික කාන්තාවක් මහනුවර පොලීසියේ සංචාරක පොලිස් ඒකකයේ නිලධාරීන් කණ්ඩායමක් විසින් පෙරේදා (30) අත් අඩංගුවට ගනු ලැබුවා.
ඒ මහනුවර නගරයේ දී යි.
සංචාරක වීසා මත පසුගිය වසරේ ඔක්තොම්බර් මස 30 දින මෙරටට පැමිණ තිබෙන ඇයගේ වීසා කාලය එම වසරේ නොවැම්බර් මස 28 දිනෙන් අවසන් ව ඇති බවයි හෙළි ව ඇත්තේ.
වයස අවුරුදු 33 ක් වන ඇය සිය වීසා අවසන් වීමෙන් පසුව ද මෙරට රැඳී සිට ඇති අතර පසුගියදා මහනුවරට පැමිණ සංචාරක හෝටලයක නවාතැන් ගෙන තිබෙනවා.
ගමන් බෑගය ඇතුළු භාණ්ඩ හෝටල් කාමරයේ තබා ඊයේ දින පෙරවරුවේ ඇය සංචාරක හෝටලයෙන් පිටව ගොස් ඇති අතර; පස්වරුව වන විටත් ඇය හෝටලයට නොපැමිණීම නිසා එහි කළමනාකරු ඒ සම්බන්ධ ව මහනුවර පොලිසියේ සංචාරක පොලිස් ඒකකයට පැමිණිල්ලක් කර ඇති බවයි වාර්තා වන්නේ.
රාත්රී මුර සංචාරයේ යෙදී සිටි පොලිස් නිලධාරීන් කණ්ඩායමක් විසින් ඇයව මහනුවර නගරයේ දී හඳුනාගෙන ප්රශ්න කෙරුණේ මෙවන් පසුබිමකදීයි.
එහිදී ඇය වීසා නොමැති ව මෙරට රැඳී සිටින බව සිදු කළ ප්රශ්න කිරීම්වලදී හෙළි ව තිබෙනවා.
ඉන් අනතුරුව සංචාරක පොලිසිය මගින් මහනුවර අධිකරණයට සැකකාර ඉතාලි ජාතික කාන්තාව ඉදිරිපත් කෙරුණු අතර හෙට (02) දින තෙක් ඇය රක්ෂිත බන්ධනාගාරගත කිරීමට නියෝග කෙරුණා.
