විභාග ලකුණු දැඩි පීඩනයක් වූ දියණිය දරාගත නොහැකි දුකින් ජීවිතයට සමුදෙයි

විභාග වලට ලකුණු මදි බවට පවසමින් පාසලේ ගුරුවරුන්ගෙන් ලද පීඩනය නිසාවෙන් එම පීඩනය දරා ගත නොහැකිව නිවසේ තිබූ ඖෂධ අධිමාත්‍රාවක් පානය කර සිය දිවි හානි කර ගත් 15 හැවිරිදි දියණියක් පිලිබඳව හෝමාගම තලගල ප්‍රදේශයෙන් වාර්තා වනවා.

හෝමාගම මහින්ද රාජපක්ෂ විද්‍යාලයේ 11 වසරේ ඉගෙනුම ලැබූ මෙවර සාමාන්‍ය පෙළ විභාගයට මුහුණ දීමට සිටි තම දියණිය වාර විභාගවලින් ලබා ගන්නා ලකුණු ප්‍රමාණය මදි බව පවසා දිගින් දිගටම තම දියණියට අඩත්තේට්ටම් සිදුකර ඇතැයි ද එම දෙමාපියන් පවසති

ඒ අනුව පෙරේදා (30) දින පාසල් යාමට සැරසී නිල ඇඳුමෙන් සිටි දියණිය ඇයගේ අසනීප තත්ත්වයන්ට ලබා දී තිබූ ඖෂධ සහ පියාට අධික රුධිර පීඩනයට ලබාදී තිබූ ඖෂධ අධි මාත්‍රාවකින් පානය කිරීම නිසාවෙන් බරපතල තත්වයෙන් රෝහල් ගත කිරීමෙන් පසු දැඩි සත්කාර ඒකකයේ ප්‍රතිකාර ලබමින් සිටියදී ඇය අවාසනාවන්ත ලෙස මියගොස් තිබෙනවා.

මෙලෙස මියගොස් ඇත්තේ හෝමාගම තලගල පදිංචි හෝමාගම මහින්ද රාජපක්ෂ විද්‍යාලයේ එකොළහ ශ්‍රේණියේ ඉගෙනුම ලැබූ රුචිකා ඉන්දුමා නමැති දියණියකි

එම දියණියගේ පියා ද පාදුක්ක වටරැක බන්ධනාගාර සුනීත පාසලේ විදුහල්පතිවරයා ලෙස කටයුතු කරයි