ආරුගම්බේ ප්රදේශයේ දී විදෙස් ජාතික කාන්තාවකට, තරුණයෙකු විසින් සිය ලිංගේන්ද්රය පෙන්වා ලිංගික හිංසන කළ බව කියන සිද්ධිය මේ වනවිට ජාත්යන්තර මාධ්යයේ අවදානය යොමුව තිබෙනවා.
ජනප්රිය ඉන්දීය පුවත් වෙබ් අඩවියක් වන NDTV පුවත් වෙබ් අඩවිය මෙම සිදුවීම පිළිබඳව පුවතක් වාර්තා කර තිබූ අතර, මේ සමඟ මෙරට සංචාරයේ නිරත වූ තවත් විදෙස් කාන්තාවන් කිහිපදෙනෙකුට අත්විදීමට සිදුවූ අනපේක්ෂිත සිදුවීම් කිහිපයක් ද වාර්තා කර තිබුණා.
මෙම සිදුවීම් කිහිපය වාර්තා කරමින් NDTV වෙබ් අඩවිය පසන්නේ, ශ්රී ලංකාව කාන්තාවන්ට අනාරක්ෂිත බව සම්මුතිය නොවන බවත්, ලෝකයේ ඕනෑම තැනක මෙවැනි අත්දැකීම් වෙනස් විය හැකි බවයි.
එමෙන්ම ශ්රී ලංකාව ප්රධාන ගමනාන්තයක් ලෙස සහ බොහෝ තනි කාන්තාවන්ට ප්රතිලාභදායක තැනක් ලෙස අඛණ්ඩව වර්ධනය වන අතර, මූලික පූර්වාරක්ෂාවන් වැදගත්වන බවයි දැනුම් දෙන්නේ.
මේ අතර හොඳින් සමාලෝචනය කරන ලද නවාතැන්වල නවාතැන් ගන්නා ලෙසත්, විශේෂයෙන් තනි කාන්තා සංචාරකයින්ට ආහාර සපයා ගැනීම, ප්රවාහන සේවා සපයා ගැනීමේ දී එම සේවා ලබාගත හැකි යෙදුම් (App) ඔස්සේ අදාළ සේවාවන් ලබාගන්නා ලෙස ද දැනුම් දෙනවා.
එමෙන්ම හුදකලා ප්රදේශවල අවදානයෙන් සිටින ලෙසත්, ඉතා ඉක්මනින් හුරුපුරුදු වන ආගන්තුකයන් සමඟ ස්ථිර සීමාවන් සකසන ලෙසත් සංචාරකයින්ට දැනුම්දීමක් කරනවා.
විශේෂයෙන් මාර්ග චාරිකාවල දී දෛනික මාර්ගය හිතවතෙකුට දන්වන ලෙසට ද සංචරයින්ට NDTV පුවත් වෙබ් අඩවිය දැනුම් දී තිබෙනවා.
