මෙම වසරේ දෙවන හා තෙවන කාර්තුවලට අදාළ විදුලි ගාස්තුව, ගෘහස්ථ කාණ්ඩයේ ඒකක 180 වැඩි කාණ්ඩය සඳහා 18% කින් ඉහළ දැමීමට අවසර ලබාදුන් බව මහජන උපයෝගිතා කොමිෂන් සභාව දැනුම් දෙනවා.
මේ වනවිට පැවැත්වෙන විශේෂ මාධ්ය හමුවක දී එම කොමිෂන් සභාවේ සභාපතිවරයා මේ නව සඳහන් කළා.
ඒකක 0-30, ඒකක 31-60, ඒකක 61-90, ඒකක 91-120, ඒකක 121-180 යන කාණ්ඩය සඳහා විදුලි ගාස්තු ඉහළ දැමීමක් සිදු නොවන බවයි සභාපතිවරයා වැඩිදුරටත් පැවසුවේ.
මේ අතර සියලුම රාජ්ය ආයතනවලට ද 18%කින් විදුලි ගාස්තු ඉහළ යන බවයි මහජන උපයෝගිතා කොමිෂන් සභාව මෙහිදී දැනුම් දුන්නේ.
එමෙන්ම ඒකක 180ට අඩු පූජනීය ස්ථාන සඳහා විදුලි ගාස්තු ඉහළ දැමීමක් සිදු නිවන අතර, විදුලි පරිභෝජනය ඒකක 180ට වැඩි පූජනීය ස්ථානවල ද 18%කින් විදුලි ගාස්තුව ඉහළ දමනු ඇති.
රුපියල් බිලියන 15ක සහනයක් ලබාදීමට රජය ලිඛිතව එකඟවීමත් සමඟ 5%කට පමණ විදුලි පාරිභෝගිකයන් සංඛ්යාවකට පමණක් මෙම වැඩිවෙන විදුලි ගාස්තුව බලපැවැත්වෙන බව එම කොමිෂන් සභාව සඳහන් කළා.
ඒ, අනුව 95%ටම මෙම විදුලි ගාස්තු වැඩිවීම අදාළ නොවන බවයි මහජන උපයෝගිතා කොමිෂන් සභාව දැනුම් දුන්නේ.
wpDiscuz
