තමාට පොලිසිය බොරු නඩුවක් දැමූ බව පවසමින් අධිකරණයට අපහාස වන ලෙස විවෘත අධිකරණයේ විත්තිකුඩුව මත සිට පරුෂ වචනයෙන් කෑ ගැසූ සැකකරුවකුට මීගමුව ප්රධාන මහේස්ත්රාත් ශිලනි පෙරේරා මහත්මිය අද (31) දැඩිව අවවාද කළා.
කටුනායක පොලිසිය මඟින් තමාට බොරු නඩුවක් පවරා ඇති බවත්, තමා ඒ වරද සිදුනොකළ බවයි සැකකරු සඳහන් කළේ.
එහිදි මහේස්ත්රාත්වරිය විමසා සිටියේ වැරදිකරු ද නිවරැදිකරු ද බවයි.
එහිදි සැකකරු නිවැරදිකරු බව ප්රකාශ කළ අතර, නඩුව නැතව ජනවාරි 08 කැඳවීමට මහෙස්ත්රාත්වරිය නියෝග කළා.
එහිදී විත්තිකුඩුවෙන් බැස නොගිය සැකකරු විත්තිකුඩුවේ සිට උස් හඩින් අසභ්ය වචනවලින් පොලිසියට බැණ වැදුනා.
එසේ බැන වැදුනු සැකකරු විත්තිකුඩුවෙන් බැස යන්නට උත්සාහ කළ අවස්ථාවේ දී මහෙස්ත්රාත්වරිය බන්ධනාගාර නිලධාරීන්ට නියෝග කළේ සැකකරු විත්තිකුඩුවට යළිත් නංවන ලෙසයි.
එහිදී මහේස්ත්රාත්වරිය සැකකරු දැඩිව අවවාද කළා.
පොලිසිය ද්වේෂ සහගත ලෙස නඩුවක් පැවරු බව සලකා තම අධිකරණය මුල් අවස්ථාවේදීම ඇප ප්රධානය කළ බවත්, වැරදිකරු ද නිවරැදිකරු ද යන්න පැවසීමට ද තම අධිකරණය අවස්ථාවවක් දෙමින් නඩු විභාගයට දිනද නියම කර ඇති අවස්ථාවක අධිකරණයට අපහාස කිරිම නොකළ යුතු බවද මහේස්ත්රාත්වරිය පෙන්වා දුන්නා.
සියලුම දෙනාගේ අයිතිවාසිකම් ආරක්ෂා කිරීමට අධිකරණය බැඳි සිටින බවත්, ඊට ජනතාව ද ගරු කළ යුතු බව පෙන්වා දුන්නා.
එහිදි ද සැකකරු දිගින් දිගටම තම අදහස් ප්රකාශ කිරීමට උත්සහ කළ අතර, මහෙස්ත්රාත්වරිය සඳහන් කළේ අධිකරණය අවවාද කරන අවස්ථාවේ දී නිහඬ විය යුතු බවයි.
ඉන් අනතුරුව සැකකරු පොලිස් භාරයට පත් කර අවවාද කර මුදාහැරීමට නියෝග කළා.
