තමා අධිකරණ අමාත්යවරයා වශයෙන් කටයුතු කරන සමයේ දී අධිකරණ විසින් ලබා දුන් නියෝගයක් අනුව කටයුතු කිරිම වැළැක් වූ බව සඳහන් කරමින් එක්තරා යු ටියුබ් වැඩසටහනක් ඉදිරිපත් කළ ජනාධිපති අපේක්ෂකයකු වන කිර්ති වික්රමරත්න සහ එම වැඩසටහන ඉදිරිපත් කල නිවේදකයකුට එරෙහිව අධිකරණයට අපහාස කිරිමේ චෝදනාව මත නීතිමය පියවර ගන්න ලෙස ඉල්ලා ජනාධිපති ධුර අපෙක්ෂක ජනාධිපති නීතිඥ විජයදාස රාජපක්ෂ ශ්රේෂ්ඨාධිකරණය හමුවේ පෙත්සමක් ගොනු කර තිබෙනවා.
නීතිඥ ජයමුදිතා , නීතිඥ ෂාන් රණසුරිය යන නීතිඥ වරු මගින් ගොනු කළ එම පෙත්සමේ වගඋත්තරකරුවන් ලෙස ජනාධිපති ධුර අපේක්ෂක කිර්ති වික්රමරත්න සහ තෘත් විත් චමුදිත යු ටියුබ් නාලිකාවේ නිවේදක චමුදිත සමරවික්රම නම් කර තිබුණා.
2024 ජුලි මස සිදු කළ එම වැඩසටහන මගින් අධිකරණයට අපහාස කර ඇති බව ජනාධිපති නිතිඥ විජයදාස රාජපක්ෂ සිය පෙත්සම මගින් පෙන්වා දී තිබුණා.
