අධික වර්ෂාපතනය සමග වැල්ලවායේ මාර්ග දෙකක් සහ නිවාස කිහිපයක් ජලයෙන් යට වී තිබෙනවා.
අප ප්‍රාදේශීය වාර්තාකරු පැවසුවේ ඊයේ දහවල් කාලයේ සිට ඇදහැලෙන ධාරානිපාත වර්ෂාපතනය සමග වැල්ලවාය – කොළඹ මාර්ගයේ වත්ත ප්‍රදේශයෙන් සහ උල්කන්ද මාර්ගයේ හඳපානාගල යන ප්‍රදේශ ජලයෙන් යට වී ඇති බවයි.
මෙම මාර්ග සියල්ල ම විශාල ජල දහරාවක් හේතුවෙන් පිරී තිබෙන බවත් වාර්තා වනවා.
මේ හේතුවෙන් මාර්ගයේ ගමනාගමනයට ද දැඩි බාධා එල්ල වී තිබෙනවා.
මෙම ජල ගැලීම් තතත්ත්වය නිසා වැල්ලවාය ප්‍රදේශයේ නිවාස දහයක් පමණ ද ජලයෙන් යටව තිබූ අතර අද උදෑසන වන විට ජලය බැස ගොස් මාර්ග යථා තත්ත්වයට පත්ව ඇති බවයි අප ප්‍රාදේශීය වාර්තාකරු පැවසුවේ.
