ප්රජාතන්ත්රවාදී වාමාංශික පෙරමුණේ නායකත්වය හිටපු පාර්ලිමේන්තු මන්ත්රී නිරෝෂන් ප්රේමරත්න හට හිමි ව තිබෙනවා.
මෙම තනතුර අද (16) එම පක්ෂයේ ප්රධාන ලේකම් පාර්ලිමේන්තු මන්ත්රී වාසුදේව නානායක්කාර විසිනුයි ප්රදානය කර ඇත්තේ.
පක්ෂයේ නව නායකත්වය නිරෝෂන් ප්රේමරත්නට පිරිනමමින් වාසුදේව මන්ත්රීවරයා සඳහන් කර සිටියේ රටේ පවතින ආර්ථික අර්බුදවලට විසඳුම් සෙවීමට නම් ජන පදනමක් එකතු කරමින් අලුත් නායකත්වයකට අවසර දිය යුතු බවත්; ඊට සුදුස්සා නිරෝෂන් ප්රේමරත්න බවයි.
ප්රජාතන්ත්රවාදී වාමාංශික පෙරමුණේ නව නායකත්වයට පත් වෙමින් නිරෝෂන් ප්රේමරත්න සඳහන් කළේ තම දේශපාලන දිවිය 2020 වසරේ දී අවසන් වූ බවට තමන් සිතූ බවයි.
කිසිදු අයුරකින් යළිත් දේශපාලන පක්ෂයකට එක් නොවීමට තීරණය කළ බවත්; එවන් අවස්ථාවක දී වාසු සහෝදරයා තමන්ට දූරකථන ඇමතුමකින් මෙම ආරාධනය කළ බව ද හෙතෙම සඳහන් කළා.
තමන්ගේ සහ වාසුදේව සහෝදරයාගේ අදහස් එක වගේ බවත්; එබැවින් රට නව ගමනකට සූදානම් කරවීමේ වගකීම තමන් භාරගත් බව ද නිරෝෂන් ප්රේමරත්න කියා සිටියා.
wpDiscuz
