පාරිභෝගික කටයුතු පිළිබද අධිකාරිය විසින් ඉකුත් අප්රේල් මාසයේ සිදු කළ විමර්ශනයක දී නීතියේ රැහැනට හසුකර ගත් ව්යාජ ලෙස නිෂ්පාදිත හිසකෙස් වර්ණක ග්රෑම් 10 බැගින් වන ඇසුරුම් ගබඩා කිරීම හා බෙදාහැරීම සිදුකළ වැල්ලම්පිටිය ප්රදේශයේ ව්යාපාරිකයන් දෙදෙනෙකුට එරෙහිව මාලිගාකන්ද ප්රධාන මහේස්ත්රාත් අධිකරණයේදී නඩු පවරා තිබෙනවා.
මෙහිදී එම භාණ්ඩ අලෙවිය සඳහා ගබඩා කරන ලද පිටකොටුව ප්රදේශයේ වෙළෙඳසැලකට ද නඩු පවරා ඇති බවයි වාර්තා වන්නේ.
මේ අතර එම ව්යාජ නිෂ්පාදන අලෙවිය සඳහා ගබඩා කිරීම සිදු කරන ලද වැල්ලම්පිටිය පදිංචි පුද්ගලයා සහ බෙදාහැරීම සිදු කරන ලද කොළඹ 14 පදිංචි පුද්ගලයා සිය වරද පිළිගැනීමෙන් පසුව චෝදනා 4ක් සඳහා රුපියල් 7,500 බැගින් රුපියල් 30,000ක දඩ මුදලක් අධිකරණය මගින් නියම කරනු ලැබුවා.
අදාළ නිෂ්පාදන විකිණීම සඳහා බෙදාහැරීම සිදු කරන ලද කොළඹ 14 පදිංචි පුද්ගලයාට ඉහත දඩ මුදලට අමතරව බරපතළ වැඩ සහිතව මාස 6ක සිර දඬුවම් නියම කළ අධිකරණය, එම සිරදඬුවම වසර 5කට අත්හිටුවා තිබෙනවා.
එමෙන්ම අදාළ භාණ්ඩ අලෙවිය සඳහා ගබඩා කරන ලද කොළඹ 12 පිහිටි අදාළ ආයතනය ද එම වරද පිළිගැනීමෙන් පසු රුපියල් 7,500ක දඩ මුදලක් අධිකරණය විසින් නියම කර තිබෙනවා.
මෙම හිසකෙස් වර්ණක වෙළෙඳනාමය සඳහා නීතිමය අයිතිය ඇති ආයතනය විසින් ග්රෑම් 21 බැගින් වන ඇසුරුම් ලෙස තම නිෂ්පාදන වෙළෙඳපොළට නිකුත් කරනු ලබනවා.
එහෙයින් තරග විරෝධී ලෙස සහ පාරිභෝගිකයා නොමග යවමින් සත්ය නිෂ්පාදකයාගේ තොරතුරු ද සහිතව ව්යාජ නිෂ්පාදකයා විසින් වෙළෙඳපොළට නිකුත්කර තිබෙන ග්රෑම් 10 බැගින් වන ඇසුරුම් වෙළෙඳපොළේ අලෙවි කිරීමට තිබේ නම්, ඒවා ඉවත්කරගන්නා ලෙස ව්යාපාරිකයන් දැනුම්වත් කර සිටියා.
එමෙන්ම එවැනි ව්යාජ නිෂ්පාදන මිල දී ගැනීමෙන් වළකින ලෙස ද පාරිභෝගිකයන් දැනුම්වත් කළා.
තවදුරටත් එවැනි ව්යාජ නිෂ්පාදන අලෙවිකරණ වෙළදුන්ට එරෙහිව නීතිය තදින්ම ක්රියාත්මක කිරීමට ද නිලධාරීන්ට උපදෙස් ලබා දී තිබෙනවා.
