2026 වසරේ මේ දක්වා ඩෙංගු රෝගීන් 37,000කට ආසන්න සංඛ්යාවක් වාර්තා වී ඇති බව ජාතික ඩෙංගු මර්ධන ඒකකය පවසනවා.
එම ඒකකයේ වැඩබලන අධ්යක්ෂ වෛද්ය කපිල කන්නන්ගර සඳහන් කළේ 2025 වසර සමඟ සැසඳීමේ දී මෙය රෝගීන් 10,000ක පමණ වැඩිවීමක් බවයි.
මේ වනවිට වාර්තා වී ඇති රෝගීන්ගෙන් සියයට 50කට ආසන්න ප්රමාණයක් බස්නාහිර පළාතෙන් වාර්තා වී ඇති අතර, කොළඹ දිස්ත්රික්කයෙන් සියයට 22ක්, ගම්පහ දිස්ත්රික්කයෙන් සියයට 17ක් සහ කළුතර දිස්ත්රික්කයෙන් සියයට 6ක් වාර්තා වී තිබෙනවා.
මේ අතර අද (08) සිට ලබන 10 වැනිදා දක්වා දිස්ත්රික්ක 14ක් සහ සෞඛ්ය වෛද්ය නිලධාරී කොට්ඨාස 72ක් ආවරණය කරමින් විශේෂ ජාතික ඩෙංගු මදුරු මර්දන වැඩසටහනක් ක්රියාත්මක කෙරෙනවා.
එහි සමාරම්භය කොළඹ මහනගර සභා පරිශ්රයේ දී කොළඹ නගරාධිපතිනි ව්රායි කැලී බල්තසාර්, කොළඹ මහනගර සභාවේ ප්රධාන සෞඛ්ය වෛද්ය නිලධාරී වෛද්ය කේ. ශ්රීප්රතාපන්, ජාතික ඩෙංගු මර්ධන ඒකකයේ වැඩබලන අධ්යක්ෂ වෛද්ය කපිල කන්නන්ගර යන අයගේ ප්රධානත්වයෙන් පැවැත් වුණා.
