වනිඳුට එක්දින තරගාවලිය අහිමිවෙයි

ශ්‍රී ලංකා කණ්ඩායමේ වනිඳු හසරංගට ඕස්ට්‍ර්ලියාව සමඟ පැවැත්වෙන ඉතිරි එක්දින තරග තුන අහිමි වී යන බව ක්‍රිකට් ආරංචි මාර්ග පවසනවා.

ඒ ඔහුගේ පාදයේ ආබාධ තත්ත්වය තවමත් සුව නොවීම හේතුවෙන්.

දෙරට අතර පැවති පළමු එක්දින තරගයේ දී ආබාධයකට ලක්වීම හේතුවෙන් ඔහුට දෙවන තරගයට ද එක්වීමේ අවස්ථාව හිමි වූයේ නැහැ.

ඒ හේතුවෙන් දඟ පන්දු යවන ක්‍රීඩක ජෙෆ්රි වැන්ඩර්සේ ශ්‍රී ලංකා කණ්ඩායමට කැඳවා තිබුණා.

පළමු එක්දින තරගයේ දී වනිඳු පන්දුවාර 09ක් තුළ ලකුණු 58කට ඕස්ට්‍රේලියානු කඩුලු 04ක් බිඳ දැමුවා.

වනිඳුට එක්දින තරගාවලිය අහිමිව යෑම තරගාවලිය තුළ ශ්‍රී ලංකා කණ්ඩායමට විශාල පාඩුවක් බවයි විචාරකයින් පවසන්නේ.

මේ අතර ශ්‍රී ලංකා – ඕස්ට්‍ර්ලියා එක්දින තරග ඉතිහාසයේ පැවැත්වෙන 100 වන එක්දින තරගය හෙට (19) කොළඹ ආර්. ප්‍රේමදාස ක්‍රීඩාංගනයේ දී ආරම්භ වීමට නියමිතයි.