වනසතුන් දඩයම් කිරීම සඳහා කැලෑවට ගිය පුද්ගලයෙක් ගිනි අවියකට බිලිවීමෙන්
මරුමුවට පත්ව ඇති බව මහකුඹුක්කඩවල පොලීසිය පවසනවා.
මෙම මරණය ඊයේ (13) රාත්රියේදීයි සිදු ව ඇත්තේ.
මරණයට පත්ව ඇත්තේ මහකුඹුක්කඩවල – කොරකහයාය පදිංචිව සිටි ආර්.ඩී.අශෝක නලීන් සෙනවිරත්න නම් 32 හැවිරිදි දෙදරු පියෙක්.
මියගොස් ඇති පුද්ගලයාගේ බිරිඳ රැකියාවක් සඳහා විදේශගත වී ඇති බව ද පොලීසිය පවසනවා.
ඔහු තම දරුවන් සහ මව්පියන් සමග ජීවත් වී ඇති බව ද අනාවරණය වී තිබෙනවා.
මියගිය අය තම මිතුරෙකු සමග වනසතුන් දඩයම් කිරීම සඳහා මහකුඹුක්කඩවල, වල්පාළුව රක්ෂිතයට ගොස් ඇති අතර එම අවස්ථාවේ දී කිසියම් අයෙකු විසින් වනසතුන්ට අටවා තිබූ ගිනි අවියකට ඔහු බිලි වී ඇති බවයි හෙළි ව ඇත්තේ.
අනතුරින් තුවාල ලබා සිටි අයව ඔහු සමග ගිය මිතුරා විසින් ආණමඩුව දිසා
රෝහලට ඇතුළත් කළ ද හෙතෙම ජීවිතක්ෂයට පත් ව තිබෙනවා.
රෝහල් ආරංචි මාර්ග පැවසුවේ; රෝහලට රැගෙන එන විට ද මියගිය පුද්ගලයාගේ ශරීරයෙන් අධික ලෙස රුධිරය වහනය වීම හේතුවෙන් මෙම මරණය සිදුව ඇති බවයි.
සිද්ධිය සම්බන්ධයෙන් පොලිස් විමර්ශන ක්රියාත්මකයි.
අහිංසක සත්තු මරන්න එන එවුන්ට ඔහොම වෙන්න ඕනෙ.