වනවාසල දුම්රිය ස්ථානයට ආසන්නයේ දී අද (16) උදෑසන සිදුවූ දුම්රිය අනතුර, දුම්රිය මාර්ගයට සිදුකළ හානියක් හේතුවෙන් සිදුවූ අනතුරක් බව ශ්රී ලංකා දුම්රිය ස්ථානාධිපතිවරුන්ගේ සංගමය පවසනවා.
දුම්රිය ස්ථානාධිපතිවරුන්ගේ සංගමය අද (16) දහවල් මාධ්ය හමුවක් කැඳවමින් එහි සභාපති සුමේධ සෝමරත්න මේ බව අනාවරණය කළා.
මෙම මාධ්ය හමුවේ දී සභාපතිවරයා සඳහන් කර සිටියේ, දිනෙන් දින දුම්රිය පීලිපැනීම්, අවලංගුවීම් සහ මගීන්ට සිදුවන හානිය වැඩි වෙමින් පවතින බවයි.
ඒ, අනුව මේ වනවිට මගියාට දුම්රියේ ගමන් බිමන් පිළිබඳව බරපතළ ගැටළුවක් පවතින බව සඳහන් කළ සභාපතිවරයා, ඊට දුම්රිය දෙපාර්තමේන්තුව මඟින් විසඳුම් ලබාදීමක් සිදුකරන බවට පෙනෙන්නට නොමැති බවයි පැවසුවේ.
මෙහිදී වැඩිදුරටත් අදහස් දක්වමින් ඔහු සඳහන් කළේ දුම්රියේ ගමන් කරන මගී ජනතාව වෙනුවෙන් ඉදිරියේ දී රක්ෂණාවරණයක් ලබාදීමට කටයුතු කරන ලෙසට රජයට යෝජනා කරන බවයි.
ඔය ඇමතියට මෙලෝ දැනුමක් නෑ. කරන කරන දේ fail. එක්කෝ කරන්න පුළුවන් එකෙකුට දීල යන්න ඕනෙ.
ඉස්සරහට කෝච්චියක යන්න මිනිස්සු බය වෙනවනේ. මොන අපරාධයක්ද මේ ?