වංචනිකයින්ට මුදල් දෙන්න එපා – ශ්‍රී දළදා මාලිගාවෙන් නිවේදනයක්

සමාජ මාධ්‍ය ඔස්සේ සංසරණය වන ව්‍යාජ දැන්වීමක් සම්බන්ධයෙන් ශ්‍රී දළදා මාලිගාව විශේෂ දැනුම්දීමක් සිදුකර තිබෙනවා.

එම දැනුම්දීම මඟින් ශ්‍රී දළදා මාලිගාව මහජනතාවට පවසන්නේ සිරි දළදා වන්දනාව වෙනුවෙන් අවශ්‍ය සියලු පහසුකම් ශ්‍රී දළදා මාලිගාව හා රජය විසින් සපයනු ලබන බවයි.

සිරි දළදා වන්දනාව වෙනුවෙන් දළදා මාලිගාව විසින් කිසිදු පුද්ගලයෙකුට, සමූහයකට, සංවිධානයකට හෝ වෙනත් කවර ආකාරයකට හෝ අරමුදල් රැස් කිරීමට මෙන්ම වෙනත් කිසිදු සංවිධාන කටයුත්තක් පවරා නොමැති බව ද එමඟින් දැනුම් දෙනවා.

සිරි දළදා වන්දනාව වෙනුවෙන් අරමුදල් පරිත්‍යාග කරන ලෙස මහජනතාවට දැනුම් දෙමින් කිසියම් පුද්ගලයෙකු හෝ පුද්ගල කණ්ඩායමක් මඟින් ව්‍යාජ ලෙස සැකසූ දැන්වීමක් වට්ස්ඇප් ඇතුළු සමාජ මාධ්‍යවල මේ වනවිට සංසරණය වනවා.

ඒ, අනුව එවැනි ව්‍යාජ දැන්වීමවලට රැවටී වංචනිකයින්ට මුදල් ලබානොදෙන ලෙසයි ශ්‍රී දළදා මාලිගාව මහජනතාවට දැනුම් දෙන්නේ.

ව්‍යාජ දැන්වීම පහතින්..