ලෝක සාමය වෙනුවෙන් අගමැති මෝදි හඬ නැගීම භික්ෂූන් වහන්සේගේ ප්‍රශංසාවට

ඉන්දීය අග්‍රාමාත්‍ය නරේන්ද්‍ර මෝදි ලෝකයේ සාමය සඳහා කළ ඉල්ලීම සම්බන්ධයෙන් ලඩාක්හි බෞද්ධ භික්ෂූන් වහන්සේගේ ප්‍රශංසාවට ලක්ව තිබෙනවා.

ඉන්දියාවේ බෞද්ධ ස්ථාන සංවර්ධනය කිරීම සම්බන්ධයෙන් ද ඉන්දීය අගමැතිවරයාට භික්ෂූන් වහන්සේ සිය ස්තූතිය පළ කර තිබුණේ ලඩාක් හි සංවිධාන කරන ලද සාම පාගමන අවසානයේ පැවති උත්සවයේ දීයි.

තුන්දින ලෝක සාම සමුළුව සහ සාම පාගමන ලඩාක් නුවරදී සංවිධාන කර තිබුණේ සාමය සහ සහජීවනය පැතිරවීමේ අරමුණින්.

එහිදී කරුණු 10කින් යුත් ලඩාක් සාම ප්‍රකාශයකට ද අත්සන් තැබුණා.

ලෝකයේ සාමය සහ සහජීවනය ප්‍රවර්ධනය කරමින් එකමුතුකමේ පණිවිඩය ප්‍රචාරය කිරීම එහි අරමුණයි.

වර්තමාන ලෝක යුද්ධ, ත්‍රස්තවාදය, කැලඹීම් සහ විවිධ ආකාරයේ ප්‍රචණ්ඩත්වය, සිවිල් යුද්ධ සහ අභියෝග, ලෝකය නොසන්සුන්තාවකට, අවිශ්වාසයකට සහ ආතතියට ඇද දමා තිබෙනවා.

සියලුම ලෝක බලවතුන්, ස්වභාවික සම්පත්, ආගමික ප්‍රශ්න සහ සෑම කුඩා දෙයකටම ප්‍රචණ්ඩත්වයට යොමු වීමේ ප්‍රවණතාවක් දැකිය හැකියි.

මෙය මානව වර්ගයාගේ අවධානයට ලක්විය යුතු කරුණක් බවත් සාමයේ සහ සහජීවනයේ වැදගත්කම මෙවැනි අවස්ථාවලදී තවත් ඉහළ යන බවත් සමුළුවේදී අවධාරණය කෙරුණා.

සමුළුවේ විශේෂත්වය වූයේ විවිධ රටවල ගුරුවරුන් සහ කීර්තිමත් විද්වතුන් එක්රැස් වී ජාත්‍යන්තර එක් වේදිකාවක දී ඔවුන්ගේ අදහස් ප්‍රකාශ කිරීමයි.

මෙම සමුළුවට රටවල් හතක පමණ බෞද්ධ භික්ෂූන් වහන්සේ සහ බැතිමතුන් සහභාගි වූ අතර, බෞද්ධ දර්ශනය සහ මතවාදය ආධාරයෙන් සමකාලීන ගෝලීය අභියෝගවලට මුහුණ දිය යුතු ආකාරය පිළිබඳව  සාකච්ඡා කෙරුණා.

ලඩාක්හි මහාබෝධි ජාත්‍යන්තර භාවනා මධ්‍යස්ථානය විසින් සංවිධානය කරන ලද මෙම වැඩසටහනට තායිලන්තය, නේපාලය, වියට්නාමය, ශ්‍රී ලංකාව, භූතානය සහ ඇමරිකා එක්සත් ජනපදය වැනි රටවල නියෝජිතයින් ද ඇතුළත්ව සිටියා.

ඉන්දීය සුළු ජන පදනමේ කැඳවුම්කරු Satnam Singh Sandhu ඇතුළු විවිධ ආගමික නායකයින්, බැතිමතුන් සහ කීර්තිමත් විද්වතුන් 2,500ක් පමණ සමුළුවට සහභාගී වී සිටි බවයි වාර්තා වන්නේ.