ලෝක වෙළෙඳපොළේ බොරතෙල් මිල යළි ඉහළට නගී

ගල්ෆ් කලාපයේ රටවලට ඉරානය විසින් එල්ල කරන ප්‍රහාර තීවෘ කිරීමත් සමඟ මේ වනවිට ලෝක වෙළෙඳපොලේ බොරතෙල් මිල ඉහළ ගොස් තිබෙනවා.

ඒ අනුව WTI වර්ගයේ බොරතෙල් බැරලයක මිල ඩොලර් 2.88කින් ඉහළ ගොස් ඇති අතර, මේ වනවිට එම වර්ගයේ බොරතෙල් බැරලයක මිල ඩොලර් 74.29ක් ලෙස දැක්වෙනවා.

එමෙන්ම බ්‍රෙන්ට් වර්ගයේ බොරතෙල් බැරලයක මිල ඩොලර් 3.07කින් ඉහළ ගොස් ඩොලර් 79.08ක් ලෙස එම වර්ගයේ බොරතෙල් මිල සටහන්ව තිබෙනවා.

ඊට අමතරව මර්බන් වර්ගයේ බොරතෙල් බැරලයක මිල මේ වනවිට ඩොලර් 74.64ක් ලෙස දැක්වෙන්නේ ඩොලර් 3.67කින් ඉහළ යෑමත් සමඟයි.

හෝමූස් සමුද්‍ර සන්ධිය හරහා සිදුවන බලශක්ති ප්‍රවාහනයට තර්ජන එල්ල වීම හේතුවෙන් ලෝක වෙළෙඳපොලේ බොරතෙල් මිල මෙලෙස ඉහළ යෑමට ප්‍රධාන සාධයක් වී තිබෙනවා..