10 වන ලෝක ජල සමුළුවට සහභාගී වීම සඳහා ජනාධිපති රනිල් වික්රමසිංහ අද (18) උදෑසන ඉන්දුනීසියාව බලා පිටත්ව ගොස් තිබෙනවා.
“සාමූහික සෞභාග්යය සඳහා ජලය” යන තේමාව යටතේ මෙවර ලෝක ජල සමුළුව අද (18) සිට 20 වන දින දක්වා ඉන්දුනීසියාවේ බාලි නුවර දී පැවැත් වෙනවා.
ඉන්දුනීසියාවේ ජනාධිපති ජෝකෝ වොඩෝඩෝගේ ආරාධනයෙන් මෙම සමුළුවට ශ්රී ලංකා ජනාධිපතිවරයා සහභාගී වන අතර, ඔහු සමඟ තවත් 12 දෙනෙකුගෙන් සමන්විත දූත පිරිසක් ද මෙම සමුළුවට සහභාගී වීම සදහා පිටත්ව ගොස් තිබෙනවා.
ජනාධිපති රනිල් වික්රමසිංහ ඇතුළු එම පිරිස අද (18) උදෑසන 07.35ට ශ්රී ලන්කන් ගුවන් සේවයේ යූ.එල්.- 364 දරන ගුවන් යානයෙන් ඉන්දුනීසියාවේ ජකර්තා නුවර බලා පිටත්ව ගිය බවයි ගුවන් තොටුපොළ අප වාර්තාකරු සඳහන් කළේ.
