අහුංගල්ල පොලිස් වසමේ ලෝකන්වත්ත කනත්ත අසල දී පෙරේදා (16) ත්‍රීරෝද රථයකින් ගමන් කරමින් සිටි පුද්ගලයෙකුට ටී-56 වර්ගයේ ගිනි අවියකින් වෙඩි තබා ඝාතනය කිරීමට තැත්කිරීමේ සිද්ධිය සම්බන්ධයෙන් අවශ්‍ය කර සිටි සැකකරුවෙකු අත්අඩංගුවට ගෙන තිබෙනවා.
අහුංගල්ල පොලිස් විශේෂ කාර්ය බලකා කඳවුරේ නිලධාරීන් කණ්ඩායමක් විසින් ලද තොරතුරක් මත ඊයේ (17) රාත්‍රියේ කොස්ගොඩ පොලිස් වසමේ හෑගල්ල ප්‍රදේශයේ ලැඟුම්හලක සිදුකළ එහෙයුමක දී මෙම සැකකරු අත්අඩංගුවට ගෙන ඇති බවයි වාර්තා වුණේ.
අත්අඩංගුවට ගැනුණු සැකකරු සන්තකයේ තිබී අයිස් මත්ද්‍රව්‍ය ග්‍රෑම් 13 මිලිග්‍රෑම් 760ක් සොයාගෙන ඇති අතර, සැකකරු අහුංගල්ල පොලිස් ස්ථානය වෙත ඉදිරිපත් කර තිබෙනවා.
සැකකරු අවුරුදු 45 ක් වන පිටිගොඩ, කොස්ගොඩ ප්‍රදේශයේ පදිංචිකරුවෙක් වන අතර අහුංගල්ල පොලිසිය විසින් වැඩිදුර විමර්ශන සිදු කරනු ලබනවා.
අපරාධ කල්ලි සමජිකයෙක්වන ලොකු පැටී නැමැත්තාගේ සහෝදරයා වන වන පොඩි පැටී නොහොත් ලත්තුවාහන්දි සුගත් නුවන් කුමාර නමැත්තා ගමන් ගත් ත්‍රිරෝද රථයට පෙරේදා (16) මෙලෙස වෙඩි ප්‍රහාරයකට ලක්වූ අතර, එහිදී පොඩි පැටී නැමැත්තාට හානියක් සිදුව තිබුණේ නැහැ.
