ඉන්දීය ප්‍රිමියර් ලීග් ඉතිහාසයේ පෙරළිකාර පියවරකට සහාය දක්වමින් නුදුරු අනාගතයේ දී රෝහිත් ෂර්මා චෙන්නායි සුපර් කිංග්ස් වෙනුවෙන් ක්‍රීඩා කරනු දැකීමට තමන් කැමති බව හිටපු ඉන්දීය පිතිකරු අම්බටි රයිදු පවසනවා.
මේ වනවිට 36 හැවිරිදි වියේ පසුවන රෝහිත් ශර්මාට තව වසර 05ක් හෝ 06ක් අයි.පී.එල් ක්‍රීඩා කිරීමට හැකියාව පවතින බවයි රයිදු සඳහන් කළේ.
රයිදු වැඩිදුරටත් පැවසුවේ රෝහිත් ෂර්මා 2025 දී චෙන්නායි සුපර් කිංග්ස් වෙනුවෙන් ක්‍රීඩා කිරීමට බවත්, එම වසරේ දී දෝනි විශ්‍රාම ගියහොත් රෝහිත්ට නායකත්වය ලබාදීමට ද හැකි බවයි.
රෝහිත් ශර්මා ඔහුගේ දස වසරක දිගු සේවා කාලය තුළ 2013, 2015, 2017, 2019 සහ 2020 යන වසරවල දී මුම්බායි ඉන්දියන් කණ්ඩායම ශූරතාව කරා රැගෙන ගියා.
කෙසේ වෙතත් මුම්බායි කළමණාකාරීත්වය මෙම වසරේ තීරණය කළේ රෝහිත් ශර්මාව මුම්බායි ඉන්දියන් නායකත්වයෙන් ඉවත් කිරීමටයි.
ඒ, අනුව මුම්බායි ඉන්දියන් නව නායකයා ලෙස ඉන්දීය තුන් ඉරියව් ක්‍රීඩක හර්දික් පාණ්ඩ්‍යා තෝරාගනු ලැබුවා.
