ජනප්රිය රෙගේ ගායක බොබ් මාලේගේ (Bob Marley) මුනුපුරා සහ ග්රැමී සම්මානලාභී සංගීතවේදී ස්ටීවන් මාලේගේ පුත් ජෝසප් ජෝ මර්සා මාර්ලි (Jo Mersa Marley) ජිවිතක්ෂයට පත්ව තිබෙනවා.
මියයන විට ඔහු 31 වන වියෙහි පසු වුණා.
සිරුර ඔහුගේ වාහනයේ තිබී හමු වී ඇති අතර ඔහුගේ මරණයට හේතුව මෙතෙක් අනාවරණය වී නැහැ.
එමෙන්ම ඔහුගේ සමීපතමයින් මෙම මරණය සම්බන්ධයෙන් මෙතක් අදහස් දැක්වීමක් ද සිදුකර නොමැති බවයි විදෙස් මාධ්ය සඳහන් කළේ.
කෙසේවෙතත් මෙම මරණයට හේතුව ඇදුම රෝගයක් බව තහවුරු වී ඇතැයි ඇතැම් වාර්තාවල සඳහන්.
Jo Mersa Marley ඔහුගේ මුල් ජීවිතයේ වැඩි කාලයක් ගත කළේ ජැමෙයිකාවේ වන අතර පසුව ඔහු උසස් අධ්යාපනය වෙනුවෙන් ෆ්ලොරිඩාවට පැමිණ තිබුණා.
සංගීතඥ ස්ටීවන් මාර්ලිගේ පුත් ජෝ මර්සා 1991 දී ජැමෙයිකාවේ උපත ලැබූ අතර ඔහුට වයස අවුරුදු 11 දී ෆ්ලොරිඩාවේ මියාමි වෙත සංක්රමණය වුණා.
ඔහු සංගීතය පසුපස යමින් තම පියාගේ සහ සීයාගේ අඩිපාරේ ගොස් ඔහුගේ පළමු ගීතය වන My Girl, ඔහුගේ ඥාති සොහොයුරා වන Daniel Bambaata Marley සමඟ 2010 වසරේදීයි නිකුත් කළේ.
මේ අතර, ජැමෙයිකානු අගමැති ඇන්ඩෲ හොල්නස් ද ට්විටර් පණිවුඩයක් නිකුත් කරමින් මෙම අභාවය පිළිබඳ ශෝකය පළකර තිබෙනවා,
මියගිය ජෝ මර්සාට කුඩා දියණියක් ද සිටිනවා.
