දිවයිනේ පවතින හදිසි ආපදා තත්ත්වය හේතුවෙන් අඩාල වූ ජනජීවිත යථා තත්ත්වයට පත් කිරීම සඳහා රජය විසින් ඉදිරිපත් කරන ලද රුපියල් බිලියන 500 ක පරිපූරක ඇස්තමේන්තුව අද (19) පාර්ලිමේන්තුවේදී ඡන්ද විමසීමකින් තොරව සම්මත වුණා.
2026 වසර සඳහා වන මෙම පරිපූරක ඇස්තමේන්තුව අගමැති හැරිණි අමරසූරිය විසින් ඊයේ (18) දින පාර්ලිමේන්තුවට ඉදිරිපත් කෙරුණා.
අද පෙරවරු 10.00 ට ආරම්භ වූ මෙම පරිපූරක ඇස්තමේන්තුව පිළිබඳ විවාදය පස්වරු 6.10 දක්වා පැවැත්වුණු අතර, ජනාධිපති අනුර කුමාර දිසානයක ද මෙම විවාදය සඳහා සහභාගී වුණා.
