ඕස්ට්රේලියානු කණ්ඩායමේ වේග පන්දු යවන ක්රීඩක කේන් රිචඩ්සන්ට ශ්රී ලංකාව සමඟ හෙට ආරම්භවන එක්දින තරගාවලිය අවාසනාවන්ත ලෙස අහිමි වී තිබෙනවා.
ආබාධයක් හේතුවෙන් ඔහුට මෙම තරගාවලිය අහිමි වී යන බවයි ක්රීඩා මාධ්ය වාර්තා කළේ.
දෙරට අතර පැවති අවසන් විස්සයි විස්ස තරගයේ දී ඔහු කලවයේ ආබාධයකට ලක්ව ඇති බවයි ඕස්ට්රේලියානු සීමිත පන්දුවාර නායක ආරොන් ෆින්ච් සඳහන් කළේ.
කෙසේ වෙතත් ආබාධය පිළිබඳව රිචඩ්සන් එම අවස්ථාවේ තමන් දැනුවත් නොකළ බවත් ඒ හේතුවෙන් තරගය නිමවන තෙක් තමන් ඒ පිළිබඳව නොදැන සිටි බවයි ෆින්ච් වැඩිදුරටත් පැවසුවේ.
නිමා වූ තුන්වන විස්සයි විස්ස තරගයේ දී කේන් රිචඩ්සන් යවනු ලැබුවේ පන්දුවාර 02යි පන්දු 05ක් පමණක් වන අතර එහිදී ඔහු ශ්රී ලංකා නායක දසුන් ශානකගේ දැඩි ප්රහාරයකට ලක් වුණා.
මෙම ආබාධය හේතුවෙන් රිචඩ්සන් යළිත් ඕස්ට්රේලියාව බලා පිටත්ව ගොස් ඇති අතර ඔහුගේ ආබාධය තරමක් බරපතල බවයි වාර්තා වන්නේ.
මේ අතර දෙරට අතර පවතී පළමු 20-20 තරගයේ දී ඇඟිල්ලේ ආබාධයකට ලක්වූ ඕස්ට්රේලියානු වේග පන්දු යවන ක්රීඩක මිචෙල් ස්ටාර්ක්ට ද එක්දින තරගාවලියට ක්රීඩා කිරීමට අවස්ථාව ගිලිහී ගියා.
