බදුල්ල සිට මාකුඹුර දක්වා ධාවනය වෙමින් තිබූ අධි සුඛෝපබෝගී බස් රථයක් අද (04) පෙරවරුවේ රිය අනතුරකට ලක් වුණා.
අප ප්‍රාදේශීය වාර්තාකරු පැවසුවේ; ඇල්ල – රාවණා ඇල්ල මාර්ගයේ බෑවුම් සහිත ප්‍රදේශයේ දී මෙම අනතුර සිදු ව ඇති බවයි.
අද උදෑසන 5 ට පමණ මෙම අනතුර සිදු ව ඇති අතර අනතුර සිදුවන අවස්ථාවේ මගීන් 40 ක් පමණ බස් රථයේ සිට තිබෙනවා.
බස් රථයේ තිරිංග එකවර ක්‍රියාත්මක නොවීම හේතුවෙන් මෙම අනතුර සිදු ව ඇති බවයි හෙළි ව ඇත්තේ.
මාර්ගයේ ඉහළින් තිබූ ගල් කැබලි රියදුරු සිටින ප්‍රදේශයට වැටීමෙන් රියදුරු තුවාල ලබා බදුල්ල ශික්ෂණ රෝහල වෙත ඇතුළත් කර තිබෙනවා.
