රාම්ලීලා නාට්‍යයක රඟපාමින් සිටි පුද්ගලයෙක් හදිසි රෝගී තත්ත්වයකින් මිය ගිය පුවතක් අසල්වැසි ඉන්දියාවෙන් වාර්තා වනවා.
සුෂිල් කෞෂික් නැමැති 45 හැවිරිදි පුද්ගලයෙක් මෙලෙස ජීවිතක්ෂයට පත්ව ඇති බවයි ඉන්දීය මාධ්‍ය වාර්තා කළේ.
මෙම පුද්ගලයා රාම්ලීලා නාට්‍යයේ රාම දෙවියන්ගේ චරිතය රඟපාමින් සිටිය දී හෘදයාබාධයකට ගොදුරු වී ඇති බවයි වාර්තා වන්නේ.
වේදිකාව මත දී එලෙස හෘදයාබාධයක් වැළඳුනු එම පුද්ගලයා වහාම රෝහල් ගත කිරීමට කටයුතු කර ඇති නමුත් රෝහලට රැගෙන යන විටත් ඔහු ජීවිතක්ෂයට පත්ව සිටි බවයි වාර්තා වුණේ.
දිල්ලි නුවර ෂාදරා හි පැවති මෙම නාට්‍යය සංදර්ශනයේ දී මෙලෙස මිය ගිය සුෂිල් කෞෂික් නැමැත්තා දේපළ වෙළඳාම්කරුවෙකු ලෙස සේවය කළ අයෙක් බව සඳහන්.
