රුපියල් කෝටි 2 කට අධික වටිනා රන් භාණ්ඩ තොගයක් මඩකලපුව ඔට්ටමාවඩි ප්රදේශයේ රාජ්ය බැංකුවකින් අස්ථානගත වී ඇති බවට අපරාධ පරීක්ෂණ දෙපාර්තමේන්තුව වෙත පැමිණිල්ලක් ලැබී තිබෙනවා.
ගනුදෙනුකරුවෙකු ණයක් ලබා ගැනීම සඳහා බැංකුව වෙත උකස් කර තිබූ රන් භාණ්ඩ තොගයක් බේරා ගැනීම සඳහා ගිය අවස්ථාවේදී යි රන් භාණ්ඩ අඩංගු ඇසුරුම සේප්පුවේ නොමැති බවට දැන ගැනීමට ලැබී ඇත්තේ.
මේ පිළිබඳ අදාළ බැංකුවේ කළමනාකරු ප්රධාන කාර්යාලයට කරන ලද පැමිණිල්ලක් අනුව නිලධාරීන් පැමිණ සිදුකළ මූලික පරීක්ෂාවේ දී එම ගනුදෙනුකරු උකස් තබන ලබන රන් භාණ්ඩ තොගයට අමතරව තවත් ගනුදෙනුකරුවන් දොළොස් දෙනෙකුගේ රන් භාණ්ඩ ඇතුළත් ඇසුරුම් අස්ථානගත වී ඇති බවට හෙළිවී තිබෙනවා.
2022 වසරේ ජනවාරි සිට දෙසැම්බර් මාසය දක්වා ණය ලබාගැනීම සඳහා ගනුදෙනුකරුවන් බැංකුව වෙත උකස් තබන ලද රන් භාණ්ඩ එලෙස අස්ථානගත වී ඇති බවටයි පැමිණිල්ලේ සඳහන් වන්නේ.
අදාළ රන් භාණ්ඩ තොගය අස්ථානගත වීම සම්බන්ධයෙන් එම රාජ්ය බැංකුවේ මඩකලපු ප්රධාන කාර්යාලයේ ප්රාදේශීය කළමනාකාරවරයා විසින් අපරාධ පරීක්ෂණ දෙපාර්තමේන්තුව වෙත මේ සම්බන්ධයෙන් පැමිණිලි කර තිබෙනවා.
ගනුදෙනුකරුවන් උකස් තබන ලද රන් භාණ්ඩ තොගය තැන්පත් කර තිබූ සේප්පුවේ යතුරු දෙකක් අදාළ බැංකුවේ නිලධාරීන් දෙදෙනෙකු භාරයේ තිබී ඇතැයි ද එම පැමිණිල්ලේ සඳහන්.
රුපියල් කෝටි දෙකක් පමණ වටිනා රන්භාණ්ඩ අස්ථානගත වීම සම්බන්ධයෙන් විශේෂ විමර්ශනයක් ආරම්භ කිරීම සඳහා අපරාධ පරීක්ෂණ දෙපාර්තමේන්තුවේ විශේෂ පොලිස් කණ්ඩායමක් මඩකලපු බලා යාමට නියමිත බවටයි වාර්තා වන්නේ.
NAYA GANIPU KENAMA AYE GATHTHA WENNA PULUWAN. EYA HIGHLIGHT WENA NISA THAWA KEEPA DENEKUGE EWATH GATHTHA WENNA PULUWAN. U ME RATEYI NATINAM BADUMA THAMAYI.