පුත්‍රයකු විසින් කැත්තකින් බෙල්ලට පහර දී තම මව ඝාතනය කළ සිදුවීමක් මහාරාෂ්ට්‍ර ප්‍රාන්තයේ තානේ ප්‍රදේශයෙන් වාර්තා වනවා.
රසවත් ආහාර ලබානොදීම සම්බන්ධයෙන් පසුගිය ඉරිදා මව සමඟ ඇතිකරගත් ආරවුලකින් පසු පුත්‍රයා විසින් මෙම ඝාතනය සිදුකර ඇති බවයි මහාරාෂ්ට්‍ර පොලිසිය සඳහන් කළේ.
මෙම සිද්ධිය සම්බන්ධයෙන් අසල්වාසීන් කිහිප දෙනෙකු පොලිසියට දැනුම්දීමට කටයුතු කිරීමෙන් පසු පොලිසිය එම ස්ථානයට ගොස් සිරුර සොයාගෙන ඇති අතර, පසුව එය පශ්චාත් මරණ පරීක්ෂණය සඳහා යොමුකර තිබෙනවා.
තම 55 හැවිරිදි මව ඝාතනය කිරීමෙන් පසු සැකකාර පුත්‍රයා ද නිදිපෙති අධිමාත්‍රාවකින් පානය කර ඇති බවයි අනවරණය වී ඇත්තේ.
අනතුරුව ඔහු ද රෝහල් ගත කිරීමට අසල්වාසීන් සහ ඥාතීන් විසින් කටයුතු කර තිබෙනවා.
මේ අතර මෙම මව සහ පුත්‍රයා අතර නිරන්තරයෙන් ගැටුම් සිදුව ඇති බවයි සිදුකළ විමර්ශනවල දී අනාවරණය වී ඇත්තේ.
