ජනාධිපති රනිල් වික්‍රමසිංහ විසින් ශ්‍රී ලංකා නිදහස් පක්ෂය වෙත විශේෂ ලිපියක් යොමු කර තිබෙනවා.
ජනාධිපතිවරයා එම ලිපිය යොමු කරමින් සඳහන් කර ඇත්තේ; එළඹෙන ජනාධිපතිවරණයේ දී ශ්‍රී ලංකා නිදහස් පක්ෂයේ සහාය තමන් වෙත ලබාදෙන ලෙසටයි.
එමෙන්ම මෙතෙක් කල් පැමිණි ගමන් මාර්ගයේ දී ශ්‍රී ලංකා නිදහස් පාක්ෂිකයින් විසින් තමන් වෙත ලබා දෙනු ලැබූ සහයෝගයට ද ජනාධිපතිවරයා එම ලිපියෙහි විශේෂ ස්තුතියක් ද පුද කර සිටිනවා.
මෙම ජනාධිපතිගේ ලිපිය අද (31) පස්වරුවේ ශ්‍රී ලංකා නිදහස් පක්ෂ මූලස්ථානයේ පැවැත්වෙන විශේෂ සාකච්ඡාවේ දී මහලේකම් දුමින්ද දිසානායක විසින් සිය පාක්ෂිකයින් ඉදිරියේ කියවනු ලැබුවා.
