හිටපු ජනපති රනිල් වික්රමසිංහ, ජනාධිපතිවරයා වශයෙන් කටයුතු කළ කාලයේ දී පෞද්ගලික සංචාරයක් ලෙස සිය බිරිඳගේ උපාධි ප්රදානෝත්සවයක් සඳහා ලන්ඩනය වෙත ගොස් රුපියල් කෝටි එක හමාරකට අධික පාඩුවක් රජයට සිදුකළැයි කියන සිද්ධියට අදාළව සියලු විමර්ශන කටයුතු අවසන් බව අපරාධ පරීක්ෂණ දෙපාර්තමේන්තුව අද (08) අධිකරණයට දැනුම් දුන්නා.
ඒ, අදාළ නඩුව ආද (08) දිනයේ කොටුව මහේස්ත්රාත් පසන් අමරසේන හමුවේ යළි කැඳවූ අවස්ථාවේදීයි.
මෙම නඩුකරය මේ වන විට විමර්ශන අවසන් කර නීතිපති උපදෙස් සඳහා යොමු කර ඇති බවයි එහිදී අපරාධ පරීක්ෂණ දෙපාර්තමේන්තුව අධිකරණයට දැනුම් දෙනු ලැබුවේ.
ඒ, අනුව නීතිපති උපදෙස් සඳහා නඩුව ලබන සැප්තැම්බර් 30 වනදා දක්වා කල් තැබීමට අධිකරණය නියෝග කළා.
මෙම නඩුව වෙනුවෙන් පෙනී සිටීමට හිටපු ජනපති රනිල් වික්රමසිංහ අද කොටුව මහේස්ත්රාත් ආදිකරණය වෙත පැමිණ සිටියා.
