හිටපු ජනාධිපති රනිල් වික්රමසිංහගේ බිරිඳ වන මහාචාර්ය මෛත්රී වික්රමසිංහ ප්රකාශයක් ලබාදීම සඳහා ලබන 20 වැනිදා අපරාධ පරීක්ෂණ දෙපාර්තමේන්තුවට කැදවා ඇති බව, අතිරේක සොලිසිටර් ජනරාල් දිලීප පීරිස් අද (18) කොටුව මහේස්ත්රාත් ඉසුරු නෙත්තිකුමාර හමුවේ ප්රකාශ කර සිටියා.
ඒ, හිටපු ජනපති රනිල් වික්රමසිංහ ජනාධිපති ධුරය දරන කාලයේ දී පෞද්ගලික සංචාරයක් ලෙස සිය බිරිය වන මහාචාර්ය මෛත්රී වික්රමසිංහගේ උපාධි ප්රදානෝත්සවයක් සඳහා ලන්ඩනය වෙත යෑමේ සිද්ධිය සම්බන්ධයෙන් ප්රකාශයක් ලබා ගැනීම සඳහායි.
ලබන 20 වැනිදා (අනිද්දා) උදෑසන 9.00 ට මහාචාර්ය මෛත්රී වික්රමසිංහට අපරාධ පරීක්ෂණ දෙපාර්තමේන්තුවේ මුල්ය විමර්ශන ඒකකය හමුවේ පෙනී සිටින ලෙසට කොල්ලුපිටිය පොලිසිය මගින් දැනුම් දී ඇති බවයි නිතිපතිවරයා වෙනුවෙන් අධිකරණයේ පෙනී සිටි අතිරේක සොලිසිටර් ජනරාල්වරයා අධිකරණය හමුවේ පවසා සිටිනවා.
