රත්මලාන දුම්රියපොළ පාර ප්රදේශයේදී සිදු වූ වෙඩි තැබීමකින් පුද්ගලයෙකු තුවාල ලබා තිබෙනවා.
අද අලුයම යතුරුපැදියකින් සහ මෝටර් රථයකින් පැමිණි නාඳුනන පුද්ගලයන් පිරිසක් මෙම වෙඩි තැබීම සිදුකර ඇති බවයි පොලිසිය සඳහන් කළේ.
පැමිණි පිරිස නිවසක සිටි පුද්ගලයෙකු පිටතට කැඳවා ඇති අතර අතුරු මාර්ගයකදී පිස්තෝල ගිනි අවියකින් වෙඩි තබා පළාගොස් ඇති බව සඳහන්.
තුවාල ලැබූ පුද්ගලයා ප්රතිකාර සඳහා කළුබෝවිල ශික්ෂණ රෝහලට ඇතුලත් කර තිබෙනවා.
මෙලෙස තුවාල ලබා ඇත්තේ රත්මලාන ප්රදේශයේ පදිංචි 34 හැවිරිදි අයෙක්.
පළාගිය සැකකරුවන් අතඅඩංගුවට ගැනීම සඳහා ගල්කිස්ස පොලිසියයි විමර්ශණ සිදු කරන්නේ.
