HIV ඒඩ්ස් ඇතුළු ලිංගාශ්රිත රෝගී තත්ත්වයන් බෝවීම සම්බන්ධයෙන් අවදානම් මට්ටමක් රට තුළ පවතින බව විශේෂඥ වෛද්ය චමල් සංජීව පවසනවා.
ඔහු පවසන්නේ පවතින වාර්තා අනුව HIV ඒඩ්ස් ආසාදිතයින් ආසන්න වශයෙන් 6,000ක් පමණ රට තුළ සිටින බවයි.
මේ අතර ශ්රී ලංකාව තුළ ලියාපදිංචි කාන්තා ලිංගික ශ්රමිකයින්ගේ සංඛ්යාව 35,000ක් පමණ වන බවයි විශේෂඥ වෛද්යවරයා සඳහන් කළේ.
ඊට අමතරව පිරිමි සමලිංගිකයින් ආසන්න වශයෙන් 80,000ක් පමණ රට තුළ සිටින බවට වාර්තා වන බවයි ඔහු වැඩිදුරටත් පැවසුවේ.
එමෙන්ම ලිංගිකව පරිවර්තන වූ (ට්රාන්ස් ජෙන්ඩර්) කාන්තාවන් ආසන්න වශයෙන් 35,00ක් පමණ රට තුළ සිටින බවට ලිංගාශ්රිත බෝවන රෝග වෛද්ය ප්රතිකාර මධ්යස්ථාන වාර්තාවල දැක්වෙන බවයි විශේෂඥ වෛද්ය චමල් සංජීව සඳහන් කර සිටියේ.
ඊට අමතරව මත්ද්රව්ය එන්නත් කරගන්නා ප්රමාණය ආසන්න වශයෙන් 3,500ක් පමණ වන බවත්, රට තුළ හඳුනාගත් බීච් බෝයිලා 6,000ක් පමණ සිටින බව එම වාර්තාවල සඳහන් බවයි ඔහු පැවසුවේ.
මේ අතර ලියාපදිංචි සහ ලියාපදිංචි නොවූ ලක්ෂයකට අධික ලිංගික ශ්රමිකයින් සංඛ්යාවක් රට තුළ සිටින බව සඳහන් කළ වෛද්යවරයා, ශ්රී ලංකාව ලිංගාශ්රිත බෝවන රෝග ව්යාප්තිය සම්බන්ධව අනතුරුදායක හැසිරීම්වල නිරතවන සැළකිය යුතු පිරිසක් ජීවත්වන රටක් බවයි වැඩිදුරටත් පැවසුවේ.
