ශ්රී ලංකාවෙන් බැහැරට ගෙන ගොස් තිබෙන වත්කම් නැවත අත්පත් කර ගැනීම සඳහා ස්විට්සර්ලන්ත රජයේ සහාය ලබා දෙන බව ශ්රී ලංකාවේ හා මාලදිවයිනේ ස්විට්සර්ලන්ත තානාපතිනී ආචාර්ය සිරි වෝල්ට් පවසනවා.
මෙරට වත්කම් නැවත අත්පත් කර ගැනීම සඳහා ජාත්යන්තර වශයෙන් ගත යුතු ක්රියාමාර්ග සම්බන්ධයෙන් ස්විට්සර්ලන්ත තානාපතිනිය මෙහිදී මඟ පෙන්වීමක් සිදුකළ අතර, ඒ සඳහා මූලික පහසුකම් සැපයීමට අවශ්ය නම් ඕනෑම අවස්ථාවක සහාය ලබා දීමටද එකඟ වී තිබෙනවා.
ජනාධිපති ලේකම් ආචාර්ය නන්දික සනත් කුමානායක සහ ස්විට්සර්ලන්ත තානාපති සිරි වොල්ට් ජනාධිපති කාර්යාලයේ අද (24) හමු වූ අවස්ථාවේ දී ඇය මේ බව සඳහන් කළා.
ශ්රී ලංකා රජය ගෙන යන දූෂණ විරෝධී වැඩපිළිවෙළ සඳහා ස්විට්සර්ලන්තයේ අත්දැකීම් සහ තාක්ෂණික දැනුම ලබාදීමට ද මෙම සාකච්ඡාවේ දී අවධානය යොමු කෙරුනා.
රජයේ ප්රමුඛ වැඩසටහන් සඳහා ස්විට්සර්ලන්ත රජයේ තාක්ෂණික සහ අවශ්ය අනෙකුත් සහාය ලබා දීමටත්, “Clean Sri Lanka“ වැඩපිළිවෙළට ලබාදිය හැකි සහාය පිළිබඳවත් මෙහිදී සාකච්ඡා වී තිබෙනවා.
උතුරේ සංවර්ධනය, ජාතික සමගිය සහ පවතින අනෙකුත් සමාජ ප්රශ්නවලට විසඳුම් ලබාදීම වෙනුවෙන් ශ්රී ලංකා රජයට සහාය දැක්වීමට හා අවශ්ය ආධාර ලබාදීමට කටයුතු කරන බවයි ස්විට්සර්ලන්ත තානාපතිනිය වැඩිදුරටත් පවසා ඇත්තේ.
ජනාධිපති ජ්යෙෂ්ඨ අතිරේක ලේකම් රෝෂන් ගමගේ ද මෙම අවස්ථාවට එක්ව සිටියා.
