රටවල් 39 කට මෙරට සංචාරක වීසා නොමිලේ

රටවල් 39ක විදේශ ගමන් බලපත්‍ර සඳහා නොමිලේ සංචාරක වීසා නිකුත් කිරීමට අමාත්‍ය මණ්ඩලයේ අනුමැතිය හිමිව තිබෙනවා.

ශ්‍රී ලංකාවේ සංචාරක කර්මාන්තය ප්‍රර්වර්ධනය කිරීමේ අරමුණින් මාස 06ක කාල සීමාවක් සඳහා මෙම නොමිලේ සංචාරක වීසා නිකුත් කිරීම සිදුකරනු ලබනවා.

ඒ, අනුව නොමිලේ සංචාරක වීසා නිකුත් කිරීම සඳහා ආගාමික හා විගාමික පනතේ විධිවිධාන අනුව නීති කෙටුම්පත් සම්පාදක විසින් සකස් කරනු ලැබ ඇති කෙටුම්පත් නියෝග, අනුමැතිය සඳහා පාර්ලිමේන්තුව වෙත ඉදිරිපත් කිරීම පිණිස මහජන ආරක්ෂක සහ පාර්ලිමේන්තු කටයුතු අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය විසින් මෙලෙස අනුමත කර තිබෙනවා.