ඉහළ යන මිල ගණන්වලට එරෙහිව සටන් කිරීම සඳහා රටවල් වෙත සම්බාධක ලිහිල් කිරීම ගැන එක්සත් ජනපදය සලකා බලමින් සිටින බව ඇමරිකානු ජනාධිපති ඩොනල්ඩ් ට්රම්ප් පවසනවා.
ප්රවෘත්ති සාකච්ඡාවක දී ඩොනල්ඩ් ට්රම්ප් මේ බව සඳහන් කළ අතර,කෙසේ වෙතත් කුමන සම්බාධක හෝ කුමන රටවල් මත ඉවත් කිරීමට බලාපොරොත්තු වන්නේ ද යන්න පිළිබඳව ජනාධිපති ට්රම්ප් එහිදී නිශ්චිතවම ප්රකාශ කර නැහැ.
මේ අතර රුසියානු ජනාධිපති ව්ලැඩිමීර් පුටින් සමඟ ඉතා සාර්ථක දුරකථන සංවාදයක ද නිරත වූ බව ද ඔහු මෙහිදී සඳහන් කළා.
රුසියානු තෙල් මිලදී ගැනීමට ඉන්දියාවට ඉඩදීම සඳහා එක්සත් ජනපදය දැනටමත් තාවකාලිකව සම්බාධක ලිහිල් කිරීමක් සිදුකර තිබෙනවා.
මේ අතර එක් රැයකින් ලෝක වෙළඳපොළේ ඉන්ධන මිල තියුණු ලෙස පහත වැටීමෙන් පසුව, අද (10) උදෑසන ලෝක වෙළඳපොළේ ගෑස් මිල ද සැලකිය යුතු ලෙස පහත වැටී ඇති බව වාර්තා වනවා.
