පාකිස්තානයේ සියල්කෝට්හි ඇඟලුම් කර්මාන්ත ශාලාවක සේවය කරමින් සිටියදී පසුගිය 03වැනිදා ඝාතනයට ලක්වූ ප්රියන්ත කුමාර දියවඩන මහතාගේ දේහය පිළිබඳ අවසන් කටයුතු අද (08දා) සවස ගණේමුල්ල, පොල්හේන පොදු සුසාන භූමියේදී සිදු කෙරිණි.
මෙහිදී ජනාධිපති ගෝඨාභය රාජපක්ෂ මහතා විසින් එවන ලද ශෝක පණිවිඩය පාර්ලිමේන්තු මන්ත්රී සහන් ප්රදීප් විතාන මහතා විසින්ද, අග්රාමාත්ය මහින්ද රාජපක්ෂ මහතා විසින් එවන ලද ශෝක පණිවිඩය මහර ප්රාදේශීය සභාවේ සභාපතිනී සුදීමා චාන්දනී මහත්මිය විසින්ද, කොළඹ අගරදගුරු මැල්කම් කාදිනල් රංජිත් හිමිපාණන්ගේ ශෝක පණිවිඩය ප්රසාද් හර්ෂන් පියතුමන් විසින්ද ඉදිරිපත් කළහ.
අවසන් කටයුතු සිදු කෙරුණු අවස්ථාවට විශාල පිරිසක් එක්ව සිටි අතර, පොලිස් සහ විශේෂ කාර්ය බළකායේ නිලධාරීන් ආරක්ෂාවටද යොදවා සිටියා.
