දිවයින පුරා මත්ද්‍රව්‍ය ජාවාරම සහමුලින්ම මැඩපැවැත්වීම අරමුණු කර ගනිමින් ක්‍රියාත්මක “රටම එකට ” ජාතික මෙහෙයුමෙහි ආරම්භක දිනය වූ පසුගිය වසරේ ඔක්තෝම්බර් 30 සිට ඊයේ (23) දිනය දක්වා ශ්‍රී ලංකා පොලිසිය සිදු කරගෙන යනු ලබන මෙහෙයුම් සම්බන්ධයෙන් වූ සමස්ථ වාර්තාවක් පොලිසිය විසින් නිකුත් කර තිබෙනවා.
ඒ අනුව මෙම මෙහෙයුම් මඟින් ඊයේ (23) දිනය දක්වා සමස්ත සැකකරුවන් 156,456 දෙනෙක් අත්අඩංගුවට ගෙන ඇති අතර ඒ අතරින් 1993 දෙනෙක් පුනුරුත්තාපනය සඳහා යොමුකර ඇති බව පොලිසිය විසින් නිකුත් කළ එම වාර්තාවේ සඳහන්.
එමෙන්ම පොලිසිය විසින් ‘රටම එකට’ මෙහෙයුමට අදාලව පොලිසිය විසින් වැටලීම් 157,423ක් ද සිදුකර තිබෙනවා.
තවද එම මෙහෙයුම් මඟින් හෙරොයින් මත්ද්‍රව්‍ය කිලෝ 1917කට වැඩි ප්‍රමාණයක් සහ අයිස් මත්ද්‍රව්‍ය කිලෝ 1979කට වැඩි ප්‍රමාණයක් පොලිසිය විසින් භාරයට ගෙන ඇති බවත් වාර්තාවේ සඳහන් වනවා.
පොලිසිය විසින් නිකුත් කළ එම වාර්තාව පහතින්,
