ලිට්රෝ ගෑස් වෙළඳපොලෙහි අඩුවක් දක්නට ලැබීම නිසා අද (19) උදෑසන, පානදුර නගරයේ පිහිටි ප්රධාන ලිට්රෝගෑස් අලෙවි නියෝජිත කාර්යාලය ඉදිරිපිට ගෑස් මිලදී ගැනීම සඳහා පාරිභෝගිකයින් දිගු පෝලිම් වශයෙන් රැඳී සිටින ආකාරය දැකගන්නට ලැබුණා.
එමෙන්ම අද උදෑසන ගාල්ල දිස්ත්රික්කයේද ප්රදේශ කිහිපයක ලිට්රෝ ගෑස් අලෙවි මධ්යස්ථානවල ගෑස් නොමැති බවට දැන්වීම් ප්රදර්ශනය කොට තිබූ බවත් දසත වාර්තාකරු සඳහන් කළා.
මේ අතර ඊයේ (18) දිනයේ දි ගාල්ල, තනිපොල්ගහ ප්රදේශයේ වසා දමා තිබූ ගෑස් අලෙවි මධ්යස්ථානයක් සම්බන්ධයෙන් පාරිභෝගික සේවා අධිකාරියට ලැබුණු පැමිණිල්ලකට අනුව එම නිලධාරීන් මැදිහත්ව විවෘත කර එහි තිබූ ගෑස් පාරිභෝගිකයන්ට ලබාගැනීමට අවස්ථාව සලසා දී තිබෙනවා.
