රජය සතු ව්යාපාරවල යහපැවැත්මට ශක්තිමත් අභ්යන්තර විගණන ක්රියාවලියක් අත්යවශ්ය බව, රජය සතු ව්යාපාර මූල්ය ප්රධානීන් සහ අභ්යන්තර විගණන නිලධාරීන් අමතමින් පොදු ව්යාපාර පිළිබඳ කාරක සභාවේ (කෝප්) සභාපති වෛද්ය නිශාන්ත සමරවීර පසුගියදා අවධාරණය කළා.
රජය සතු ව්යාපාර ආයතනවල අභ්යන්තර විගණනය සහ මූල්ය අධීක්ෂණය ශක්තිමත් කිරීම පිළිබඳව කෝප් කමිටුව විසින් එක්සත් ජාතීන්ගේ සංවර්ධන අරමුදලේ (UNDP) අනුග්රහයෙන් පසුගියදා ශ්රී ජයවර්ධනපුර කෝට්ටේ මොනාක් ඉම්පීරියල් හෝටල් පරිශ්රයේදී සංවිධානය කළ වැඩමුළුවක් අමතමින් කෝප් කමිටු සභාපතිවරයා මේ බව පවසා සිටියා.
මෙහිදී අදහස් දැක්වූ කෝප් සභාපතිවරයා, රජය සතු ව්යපාර ක්ෂේත්රයේ පවතින අසංවිධිත බව ඉවත් කිරීම සඳහා ක්රියාකාරී මැදිහත්වීමක් සිදුකළ යුතු බවත් රාජ්යයට වග කියන නිලධාරීන් ලෙස ඉහළ කාර්ය සාධනයක් පෙන්වීම අපේක්ෂා කරන බවත් පෙන්වා දුන්නා.
සියලු රජය සතු ව්යාපාර ප්රධානීන් මීට පෙර කැඳවා සාර්ථක වැඩමුළුවක් පැවැත්වීමට හැකිවූ බව සඳහන් කළ කෝප් කමිටු සභාපතිවරයා, මූල්ය විනය සහ අභ්යන්තර විගණන ක්රියාවලිය ශක්තිමත් කිරීමේ අරමුණින් මෙලෙස සියලු ආයතනවල අභ්යන්තර විගණන නිලධාරීන් සහ මූල්ය ප්රධානීන් කැඳවා දැනුවත් කිරීමක් සිදු කිරීමට තීරණය කළ බවත් පවසා සිටියා.
එසේම රජය සතු ව්යාපාර ආයතන 457ක් පවතින නිසා එම සියලු ආයතන කෝප් කමිටුවට කැඳවීම ප්රායෝගිකව අපහසු බැවින් එම ආයතනවල කාර්ය සාධනය පරීක්ෂා කිරීම සඳහා ඩිජිටල් ක්රමවේදයක් සකස් කිරීමට අපේක්ෂා කරන බවත් කෝප් කමිටු සභාපතිවරයා වැඩිදුරටත් සඳහන් කළා.
රාජ්ය විගණනය සහ රාජ්ය ආයතනවල කාර්යභාර්ය, වගකීම් හා සහයෝගීතාව පිළිබඳ විගණකාධිපති සමුදිකා ජයරත්න මෙහිදී සිය දේශනය ඉදිරිපත් කළා.
රජය සතුආයතනයන්හි අරමුදල්වල හිමිකරුවන් මහජනතාව බැවින් ඒවා මහජනතාව වෙනුවෙන් නිසි පරිදි කළමනාකරණය කළ යුතු බවත් ඒ සඳහා නිසි මූල්ය විනයක් සහ අභ්යන්තර විගණනයක් පවත්වා ගනිමින් රාජ්ය විගණනයට සහය ලබාදිය යුතු බවත් ඇය පෙන්වා දුන්නා.
එසේම කළමනාකරණ විගණන දෙපාර්තමේන්තුවේ අධ්යක්ෂ ජනරාල් ඒ. පී කුරුම්බලපිටිය විසින් “ ජනතාවට වගවීම තහවුරු කිරීම සඳහා අභ්යන්තර විගණනයේ කාර්යභාර්ය” පිළිබඳව සහ හිටපු විගණකාධිපති, කෝප් සහ කෝපා කමිටුවල උපදේශක සරත් මායාදුන්නේ විසින් “ජනතාවට වගවීම කෙරෙහි රජය සතු ව්යාපාරවල කාර්යභාර්ය” පිළිබඳව දේශන
ඉදිරිපත් කරනු ලැබුවා.
රජය සතු ව්යාපාර ආයතනවල නිලධාරීන්ට විෂයට අදාළව ප්රශ්න විමසීම සඳහා ද මෙහිදී අවකාශය සැලසුණා.
අභ්යන්තර විගණක තනතුර අදාළ ආයතනයේ ප්රධානියා යටතට පත් කිරීම වෙනුවට අමාත්යාංශ ලේකම්වරයාට වාර්තා කරනු ලබන වඩාත් ස්වාධීන තනතුරක් බවට පත් කිරීමේ අවශ්යතාව ඇතුළු කරුණු මෙහිදී සාකච්ඡා කෙරුණා.
පාර්ලිමේන්තුවේ ව්යවස්ථාදායක සේවා අධ්යක්ෂ එම්.ජයලත් පෙරේරා සහ රජය සතු ව්යාපාර ආයතන 300කට ආසන්න ප්රමාණයක අභ්යන්තර විගණන නිලධාරීන් සහ මූල්ය අංශයේ ප්රධානීන් මෙම වැඩමුළුව සඳහා සහභාගී වී සිටියා.
