රජයේ වෛද්ය නිලධාරීන්ගේ සංගමය අද (17) උදෑසන 8:00 සිට වෘත්තීය සමිති ක්රියාමාර්ගයක් ආරම්භ කිරීමට නියමිතයි.
2026 අයවැයෙන් සෞඛ්ය සේවා සහ වෛද්ය වෘත්තිකයන්ගේ අවශ්යතා නොසලකා හැර ඇති බව පවසමින් මෙම වෘත්තීය ක්රියාමාර්ගයට රජයේ වෛද්ය නිලධාරීන්ගේ එළඹීමට නියමිතව තිබෙනවා.
මෙම ක්රියාමාර්ගය අතරතුර, සෞඛ්ය සේවා පද්ධතිය තුළ ඇති තීරණාත්මක ගැටළු විසඳීමට අයවැය අසමත් වීම පිළිබඳව දේශපාලන නායකයින්, ආගමික නායකයින්, සිවිල් සමාජ සංවිධාන සහ මහජනතාව දැනුවත් කිරීමට එම සංගමය සැලසුම් කර ඇති බවයි වාර්තා වුණේ.
රෝහල් තුළ නොමැති ඖෂධ හෝ රසායනාගාර පරීක්ෂණ අවශ්ය රෝගීන් සඳහා බෙහෙත් වට්ටෝරු නිකුත් කිරීම අත්හිටුවීම මෙන්ම බාහිරව එවැනි සේවාවන් ලබා ගැනීමට රෝගීන්ට උපදෙස් දීම ද මෙම වෘත්තීය සමිති ක්රියාමාර්ගයට ඇතුළත්.
දේශපාලන කණ්ඩායම් විසින් පවත්වාගෙන යනු ලබන හෝ රජය විසින් සංවිධානය කරන සෞඛ්ය කඳවුරු සහ සායන සඳහා ස්වේච්ඡාවෙන් සහභාගී නොවීමට ද වෛද්ය නිලධාරීන් තීරණය කර තිබෙනවා.
