යුරෝපා සංගමය චීනය සමඟ පවතින ආර්ථික සහ දේශපාලනික සබඳතාවලදී වඩාත් ප්රවේශම් විය යුතු බවට තමා මීට පෙර කරන ලද අනතුරු ඇඟවීම් කෙරෙහි යුරෝපීය නායකයන් නිසි අවධානයක් යොමු නොකළ බව යුරෝපීය කොමිසමේ සභාපතිනී උර්සුලා වොන් ඩර් ලේයන් පවසනවා.
යුරෝපීය පාර්ලිමේන්තු මැතිවරණය ආසන්නයේ යුරෝනිවුස් පුවත් සේවය සමඟ විශේෂ සාකච්ඡාවකට එක්වෙමින් ඇය මේ බව සඳහන් කළා.
ඇය පෙන්වා දෙන්නේ චීනය විසින් යුරෝපීය වෙළෙඳපොළ ආක්රමණය කිරීම, උපායමාර්ගික යටිතල පහසුකම් තමන් සතු කරගැනීමට උත්සාහ කිරීම සහ රුසියාවට ලබාදෙන වක්ර සහයෝගය පිළිබඳව තමා දිගින් දිගටම කරුණු පෙන්වා දුන් බවයි.
එහෙත් ඇතැම් යුරෝපීය රටවල් කෙටි කාලීන ලාභ අපේක්ෂාවෙන් චීනය මත දැඩි ලෙස යැපීමට කටයුතු කළ බව ඇය විවේචනය කරනවා.
වත්මන් ගෝලීය දේශපාලන වාතාවරණය තුළ චීනයෙන් එල්ල වන තර්ජන වඩාත් පැහැදිලි වී ඇති බැවින්, යුරෝපය දැන්වත් එකමුතුව නැගී සිටිය යුතු බව වොන් ඩර් ලේයන් අවධාරණය කර තිබෙනවා.
විශේෂයෙන්ම විද්යුත් වාහන (EV) සහ හරිත තාක්ෂණික ක්ෂේත්රයන්හිදී චීන සමාගම්වලට පවතින අසමතුලිත වාසි සහගත තත්ත්වයන් පාලනය කිරීම සඳහා යුරෝපීය සංගමය දැඩි තීරණ ගත යුතු බව ඇගේ අදහසයි.
කෙසේ වෙතත්, මැතිවරණයෙන් පසු පිහිටුවන නව යුරෝපීය නායකත්වය, චීනය සමඟ පවතින සබඳතා අවදානම් අවම කිරීමේ ප්රතිපත්තියක් කරා රැගෙන යාමට කටයුතු කරනු ඇතැයි තමා විශ්වාස කරන බවද ඇය වැඩිදුරටත් ප්රකාශ කළාය.
