දියතලාව යුධ හමුදා කදවුරේ සිට මහනුවර පල්ලෙකැලේ යුධ හමුදා කඳවුර දක්වා ගමන් කරමින් තිබූ ලොරි රථයක් අද (10) පෙරවරුවේ බදුල්ල, මහියංගණය මාර්ගයේ තිබිරිගස්පිටිය ප්‍රදේශයේදී, අනතුරකට ලක්ව තිබෙනවා.
එම ලොරි රථය මහියංගණයේ සිට බදුල්ල දෙසට ගමන් කරමින් තිබූ ත්‍රීරෝද රථයක හා යතුරුපැදියක ගැටීමෙන් මෙම අනතුර සිදුව තිබුණා.
එම අනතුරෙන් ත්‍රීරෝද රථයේ රියදුරු ජීවිතක්ෂයට පත් වී තිබෙනවා.
යතුරුපැදිකරු තුවාල ලබා බදුල්ල ශික්ෂණ රෝහලට ඇතුලත්කර ඇති බවයි වාර්තා වන්නේ.
පල්ලම් සහිත මාර්ගයේ ධාවනය වෙමින් තිබූ ලොරි රථයේ තිරිංග ක්‍රියා විරහිතවීමෙන් මෙම අනතුර සිදුව ඇති බවයි මූලික විමර්ශන වලදී අනාවරණය වී ඇත්තේ.
සිද්ධිය සම්බන්ධයෙන් බදුල්ල පොලිසිය පරීක්ෂණ පවත්වනු ලබනවා.
