පවතින යුතත්ත්වයත් සමඟ ලෝක වෙළඳපොලක තුළ අත්යවශ්ය ආහාර අමුද්රව්ය මිල ඉහළ යාම නිසා සත්ත්ව ආහාරවලද මිල ගණන් ඉහළ ගොස් ඇති බව සමස්ත ලංකා කුකුල් ව්යාපාරිකයන්ගේ සංගමය පවසනවා.
ඒ අනුව මෙරටට ආනයනය කරන සත්ව ආහාරවල මිල විශාල වශයෙන් ඉහළ ගොස් ඇති බවයි එම සංගමය පවසන්නේ.
මේ අතර දේශීය වශයෙන් සත්ත්ව ආහර ලෙස යොදා ගන්නා බඩ ඉරිඟුවලද වෙළඳපොල තුළ හිඟයක් නිර්මාණය වී ඇති බව සමස්ත ලංකා කුකුල් ව්යාපාරිකයන්ගේ සංගමයේ සභාපති අජිත් ගුණසේකර පවසනවා.
දේශීය බඩ ඉරිඟු සඟවා තබා ගැනීම මත බඩ ඉරිඟු වෙළඳපොල වෙත නොපැමිණීම හේතුවෙන් මෙලෙස හිඟයක් නිර්මාණය වී ඇති බවයි ඔහු පෙන්වා දෙන්නේ.
කෙසේ වෙතත් වෙළඳපොල තුළ පවතින බඩ ඉරිඟු කිලෝවක මිල ද රුපියල් 165ක් වැනි මුදලක් දක්වා සීඝ්රව ඉහළ ගොස් ඇති බවයි ඔහු සඳහන් කළේ.
