යාපනයේ නිවසකට ආයුධ කල්ලියකින් ප්රහාරයක් එල්ල වී තිබෙනවා.
දසත ප්රාදේශීය වාර්තාකරු පැවසුවේ; මෙම ප්රහාරයෙන් නිවසේ විශාල වශයෙන් දේපොළ හානියක් සිදු ව ඇති බවයි.
යාපනය – ආනෙයිකොට්ටෙයි ප්රදේශයේ පිහිටි නිවසකට ඊයේ (06) රාත්රියේ තියුණු ආයුධ රැගත් පිරිසකගෙන් මෙම පහරදීම සිදු ව ඇති බව මාණිප්පායි පොලීසිය පවසනවා.
අදාළ නිවසට යතුරුපැදි දෙකකින් මුහුණු ආවරණය කරගත් පස්දෙනෙකු තියුණු ආයුධ
සමගින් පැමිණ නිවස ඉදිරිපිට නවතා තිබූ පාපැදි හා යතුරුපැදිවලට ද බරපතළ හානි සිදුකර පලාගොස් ඇති බවයි වාර්තා වන්නේ.
මෙම පහරදීම කවුරුන් විසින් සිදු කළා දැයි මෙතෙක් හෙළි ව නොමැති බවත් පෞද්ගලික ආරවුලක් මත පහරදීම සිදු වන්නට ඇති බවත් පොලිසිය විශ්වාස කරනවා.
