වියට්නාමයට බලපෑ යාගි සුළි කුණාටුව හේතුවෙන් එරට ජනයා දැඩි ලෙස පීඩා විඳින බව විදෙස් මාධ්ය වාර්තා කරනවා.
වියට්නාමයේ හැනෝයි අගනුවර රතු ගංගාව දශක දෙකක කාලයකින් පසු ඉහළ ජල මට්ටමකට පැමිණෙමින් පවතින අතර එම හේතුවෙන් ගංවතුර තත්ත්වයක් ද නිර්මාණය වී තිබෙනවා.
මේ වන විට පුද්ගලයින් 179 දෙනෙකු මරණයට පත් වී ඇති අතර අතුරුදන් වූවන් සොයා එරට හමුදාව මෙහෙයුම් දියත් කර ඇති බවයි වාර්තා වන්නේ.
පසුගිය සෙනසුරාදා ඇති වූ මෙම සුළි කුණාටු තත්ත්වය හේතුවෙන් එරට මිලියන 1.5 ක ජනතාවකට විදුලිය විසන්ධි වී ඇති බවද විදෙස් වාර්තා වැඩිදුරටත් සඳහන් කරනවා.
