වැඩ තහනමට ලක්ව, සේවය අතහැර ගොස් සිට යළි සක්‍රීය සේවයට එක්වීමට නියමිත පොලිස් නිලධාරීන්, මත්ද්‍රව්‍ය භාවිතය අනාවරණය කර ගැනීමට අදාළ පරීක්ෂණයට පෙනී සිටිය යුතු බව වැඩබලන පොලිස්පති ප්‍රියන්ත වීරසූරිය දැනුම් දී තිබෙනවා.
කිසියම් නිලධාරියෙකු මත්ද්‍රව්‍ය භාවිත කර ඇති බවට; අදාළ පරීක්ෂණයෙන් අනාවරණය වන්නේ නම් ඔහුව නැවත සේවය පිහිටුවීම හෝ නැවත සක්‍රීය සේවයට බැඳීමට අවස්ථාව ලබානොදෙන බවයි වැඩබලන පොලිස්පතිවරයා පවසන්නේ.
අදාළ පරීක්ෂණය පොලිස් රෝහලේ දී සිදුකෙරෙන අතර, ඊට වැයවන පිරිවැය අදාළ නිලධාරියා දැරිය යුතු වනවා.
