ගම්පහ, උඩුගම්පොළ, වීදියවත්ත මංසන්ධියේදී අද (04) පෙරවරුවේ සිදුවූ රිය අනතුරකින් පාසල් සිසුවෙක් ජීවිතක්ෂයට පත්ව තිබෙනවා.
මෙලෙස ජීවිතක්ෂයට පත්ව ඇත්තේ වීදියවත්ත, දොළාගත පාරේ පදිංචිව සිටි කෂේන් වගේෂ් නැමැති වයස අවුරුදු 15ක සිසුවෙක්.
මෙම සිදුවා අද (04) පෙරවරුවේ පෞද්ගලික උපකාර පන්තියකට සහභාගී වී එන අතරතුර පිටුපසින් පැමිණි යකඩ පටවාගත් ලොරි රථයක් සිසුවා යටකරගෙන තවත් මෝටර් රථයක සහ ත්රිරෝද රථයක ගැටී මෙම අනතුර සිදුව ඇති බවයි පොලිසිය පැවසුවේ.
අනතුර සිදුවූ අවස්ථාවේ එම ස්ථානයට පැමිණි ගම්පහ දිස්ත්රික් පාර්ලිමේන්තු මන්ත්රී රුවන්තිලක ජයකොඩි සහ මිනුවන්ගොඩ ප්රාදේශීය සභාවේ සභාපතිවරයා මැදිහත් වී අනතුරට පත් වූ සිසුවා වහාම රෝහල් ගත කිරීමට කටයුතු කර තිබෙනවා.
අනතුර සම්බන්ධයෙන් ලොරි රථයේ රියදුරා අත්අඩංගුවට ගෙන ඇති අතර, ගම්පහ පොලිසිය වැඩිදුර විමර්ශන සිදුකරනු ලබනවා.
