අබුඩාබි ටී ටෙන් ලීග් ක්‍රිකට් තරගාවලිය සඳහා ක්‍රීඩකයින් තෝරාගැනීම ඊයේ (26) සිදුකෙරුණා.
මෙවර තරගාවලිය වෙනුවෙන් ශ්‍රී ලංකා ක්‍රීඩකයින් හත්දෙනෙකු තෝරා ගැනීම ද විශේෂත්වයක්.
එහිදී කණ්ඩායම් හතරක් වෙනුවෙන් මෙම ශ්‍රී ලාංකික ක්‍රීඩකයින් 07 දෙනා තෝරා ගැනුණු අතර, එලෙස තෝරා ගැනුණේ දසුන් ශානක, භානුක රාජපක්ෂ, මහීෂ් තීක්ෂණ,වනිඳු හසරංග, දුෂ්මන්ත චමීර, මතීෂ පතිරණ සහ චාමික කරුණාරත්නයි.
දසුන් ශානක චෙන්නායි බ්‍රේව්ස් කණ්ඩායමේ ප්‍රධාන ක්‍රීඩකයා ලෙස තෝරා ගැනුණු අතර ඔහුට අමතරව ප්‍රහාරාත්මක පිතිකරු භානුක රාජපක්ෂ සහ දඟ පන්දු යවන ක්‍රීඩක මහීෂ් තීක්ෂණ එම කණ්ඩායමට ඇතුළත්.
ශ්‍රී ලංකා දඟපන්දු යවන ක්‍රීඩක වනිඳු හසරංග සහ වේග පන්දු යවන ක්‍රීඩක දුෂ්මන්ත චමීර නොදර්න් වොරියර්ස් කණ්ඩායමට ඇතුළත්.
යොවුන් වේගපන්දු යවන ක්‍රීඩක මතීෂ පතිරණ බංග්ලා ටයිගර්ස් කණ්ඩායම වෙනුවෙන් එක්කරගෙන ඇති අතර තුන්ඉරියව් ක්‍රීඩක චාමික කරුණාරත්න මොරිස්විල් සෑම්ප් ආර්මි කණ්ඩායම වෙනුවෙන් මෙවර තරගාවලිය සඳහා එක්ව සිටිනවා.
අබුඩාබි ටී ටෙන් ලීග් ක්‍රිකට් තරගාවලියේ නොවැම්බර් මස 23 වැනිදා සිට දෙසැම්බර් 04 වැනිදා දක්වා පැවැත්වීමටයි සැලසුම්කර ඇත්තේ.
මෙවර තරගාවලිය වෙනුවෙන් එක්වන කණ්ඩායම් 08 තෝරාගත් ක්‍රීඩක ලැයිස්තුව පහතින්.
